wazho.net
مەسرور بارزانی، سەرۆكی حكومەتی هەرێمی كوردستان، لە دەستپێكی كۆبوونەوەی ئەمڕۆی كابینەی حكومەتدا رایگەیاند، بەداخەوە خەڵكێك دەیەوێت تەندروستی خەڵك بە سیاسیی بكات، گومانیان لە بوونی مەترسییەكانی كۆرۆنا دروستكردووە، هانی خەڵك دەدەن پابەندی رێنماییەكان نەبن، بۆیە ئەم كەسانە رووبەڕووی یاسا دەكرێنەوە.
سەرۆكی حكومەتی هەرێمی كوردستان وتیشی: ” حكومەتی هەرێم كوردستان بەردەوام دەبێت لە گرتنەبەری هەر رێكارێك بۆ پاراستنی سەلامەتی هاووڵاتییان. هیچ كەمتەرخەرمییەكی لەم رووەوە نەكردووە. ئەوەی پێویست بووە ئەنجامیداوە”.
روونیشیكردەوە، “ئێستا بەرپرسیارێتی سەرەكی دەكەوێتە سەر خەڵك بۆ پاراستنی خۆیان و هاووڵاتییان و كۆمەڵگە”.
لە كۆبوونەوەكەی ئەمڕۆی حكومەتدا بڕیار درا، سەرۆكی دیوانی سەرۆكایەتی هەرێمی كوردستان، نوێنەری هەرێم بێت لەو گفتوگۆیانەدا.
لە بەشێكی دیكەی كۆبوونەوەكەدا، جێگری سەرۆكی ئەنجوومەنی وەزیران راپۆرتێكی لە بارەی وردەكارییەكانی دانوستانی شاندی باڵای حكومەتی هەرێم لە گەڵ حكومەتی فیدراڵی خستەڕوو.
جێگری سەرۆكی ئەنجوومەنی وەزیران, قوباد تاڵەبانی لە میانی وتەكانیدا، رایگەیاند، گفتوگۆ لەگەڵ حكومەتی نوێی عێراق بەردەوام دەبێت بە مەبەستی چارەسەكردنی كێشەكانی تایبەت بە نەوت و دارایی لە سەر بنەمای دەستوور.
