دوابەدوای ئازادكردنی ئەمریكیەكی زیندانی كراو لە ئێران، سەرۆكی ئەمریكا سوپاسی تاران دەكات و دەڵێت، دەتوانن بگەنە رێككەوتن.
دوای ئەوەی رۆژی پێنج شەممە ئێران مایكڵ وایت ئەندامی هێزی دەریاوانی ئەمریكای لە دوای دوو ساڵ دەستبەسەری ئازاد كرد، دۆناڵد ترامپ رایگەیاند، لەو كاتەوەی دەستبەكاربووە زیاتر لە 40 بەندكراو و بە بارمتەگیراوی ئەمریكی لە دەرەوە ئازاد كردووە.
راشیگەیاندووە، سوپاسی ئێران دەكات و پێی وایە ئازادكردنی مایكڵ وایت بەڵگەیە لەسەر ئەوەی دەتوانن بگەنە رێككەوتن.
لەلایەكی ترەوە ئەمریكاش رێگەی بە مەجید تاهیری پزیشكی ئێرانی دا كە بە تۆمەتی پێشێلكردنی سزاكانی سەر ئێران زیندانی كرابوو، بگەڕێتەوە بۆ وڵاتەكەی.
بەپێی چەند سەرچاوەیەك ئازادكردنی ئەو دوو بەندكراوە پاش چەند خولی دانوستانی نێوان تاران و واشنتۆن دێت.
