پەرلەمانتارێكی عیراق دەستیلەكاركێشایەوە و حكومەتی ئێستاش بە رژێمێكی زاڵم وەسفدەكات

یوسف كلابی پەرلەمانتاری عیراق دەستلەكاركێشانەوەی خۆی لە ئەندامێتی پەرلەمان پێشكەشكرد و دەڵێت “رژێمی نوێ‌ شێوەیەكی نوێی لە شێوەكانی زوڵم پێشكەشكردوە، بۆیە بەردەوامبونم دەمكاتە هاوبەشی زوڵملێكردنتان”.
یوسف كلابی لەبەیاننامەیەكدا بڵاویكردوەتەوە، لەسەرەتای ساڵی 2019 كاتێك ئەو شەرەفەی پێ‌ بڕدرا ببێتە پەرلەمانتار و نوێنەری خەڵك، بە جدی كاری كردوە بۆئەوەی بەشداربێت لە هەڵگرتنی زوڵم لەسەر هاووڵاتیان و ناوچەكانیان، بەڵام دوای روداوەكان گەیشتوەتە ئەو بڕوایەی رێچكەی زوڵم بەرانبەر خەڵك چەندین دەیەیە بەردەوامە و ئەو رژێمە نوێیە شێوەیەكی تر لە شێوەكانی زوڵمی زیادكردوە، كە ئەویش سیستمی پشككارییە و تێیدا تەنها رۆڵەكانی ناوەڕاست و باشور زیان دەكەن.
كلابی بە گەلی عیراق دەڵێت “نەوتەكەتان و خوێنتان بێنرخە لەم سیستمەدا و بەردەوامبونم وەك ئەندامێك لەم سیستمە گەورەیەی پشككاریدا دەمكاتە هاوبەشی زوڵملێكردنتان”.
هەروەها ئەو پەرلەمانتارە باسی لەوەكردوە، دەستلەكاركێشانەوەی خۆی لە ئەندامێتی پەرلەمان پێشكەشدەكات و هیچ دەرفەتێك سەركەوتونابێت لەبەرئەوەی سیستمی پشككاری كۆنترۆڵی دیمەنی سیاسی كردوە، هەروەها بەردەوامیش دەبێت لە خەبات لەپێناو مافی هاووڵاتیان بەهەر رێگەیەك بتوانێت.

هەواڵی دواتر

هۆشیار زێباری جارێكی تر هێرش دەكات سەر دادگای فیدراڵی

هۆشیار زێباری ئەندامی مەكتەبی سیاسی پارتی دیموكراتی كوردستان جارێكی تر هێرش دەكاتەوە سەر دادگای فیدراڵی …

وەڵامێک بنووسە

پۆستی ئەلکترۆنیکەت بڵاو ناکرێتەوە .