باسم خەشان ئەندامی سەربەخۆی پەرلەمانی عیراق دەڵێت، كورد بۆ ئەو پۆستانەی دەیانەوێت هەمان سیناریۆی هۆشیار زێباری لەگەڵ فوئاد حسێن دوبارە كردەوە و دەڵێی جگە لە چەند كەسێكی دیاریكراو، كەسی تریان نییە.
خەشان لەلێدوانێكی رۆژنامەوانیدا وتویەتی “هەموو عیراق لە زیادكردنی ئاشكرادا نمایشكراوە، گرێبەستەكانی تایبەت بە وەزارەتەكانی حكومەت بەردەوامن بە سەرجەم بەشەكانیانەوە”.
ئاماژەی بەوەشداوە، وەزارەتەكان لەنێوان فراكسیۆن و حزبەكاندا دابەشكراون، ئەو ناكۆكیەشی لەسەر هەندێك كاندید رودەدات، تەنها ناكۆكییە لەسەر ناوەكان.
ئەو پەرلەمانتارە سەربەخۆیە زیاتر دەڵێت “كوردەكان هۆشیار زێباریان هێنایەوە و لە وەزارەتی دەرەوە پاڵاوتیان بۆ وەزارەتی دارایی، هەروەها فوئاد حسێن-یان هێنایەوە و لە وەزارەتی داراییەوە پاڵاوتیان بۆ دەرەوە، ئەم سیناریۆیە دوبارە دەبێتەوە و دەڵێی كوردەكان ئەو كەسایەتیانە نەبێت، كەسی تریان نییە بۆ ئەو پۆستانەی دەیانەوێت بەدەستیبهێنن”.
