سەرۆكی لیژنەی دارایی و كاروباری ئابوری لە پەرلەمانی كوردستان رایدەگەیەنێت، هەرچەندە وەزارەتی دارایی هیچ شتێكی فەرمی لەبارەی دابەشكردنی مووچە نەوتووە بەڵام رەنگە لە هەفتەی داهاتوو دابەشكردنی مووچە دەستپێبكات.
لەبارەی ئەو دەنگۆیانەی دەوترێت هەفتەی داهاتوو خشتەی دابەشكردنی مووچەی مانگی شوباتی ئەمساڵ رادەگەیەنرێت، زیاد جەبار سەرۆكی لیژنەی دارایی و كاروباری ئابوری لە پەرلەمانی كوردستان بە رادیۆ نەوای راگەیاند، لەلایەن وەزارەتی داراییەوە بەفەرمی هیچ شتێك لەبارەی دابەشكردنی مووچە نەوتراوە بەڵام رەنگە لە هەفتەی داهاتوو دابەشكردنی مووچە دەسپێبكات.
لەبارەی دابینكردنی بودجەی پێویست بۆ دابەشكردنی مووچە، سەرۆكی لیژنەی دارایی لە پەرلەمانی كوردستان وتی: “هیچ زانیارییەك لەلایەن وەزارەتی دارایی حكومەتی هەرێمەوە ئاشكرا نەكراوە بودجەی پێویستیان لەبەردەستبێت یاخود نا”.
