بەهەزاران هەژماری سەربە رەجەب تەیب ئەردۆغان سەرۆكی توركیا و لایەنگرانی حزبەكەی لە لایەن تۆڕی كۆمەڵایەتی تویتەرەوە داخران.
كۆمپانیای تویتەر رایگەیاند، لە هەڵمەتێكدا حەوت هەزار و 340 هەژماری تۆڕەكەی لە توركیا داخستووە كە بەشێكی زۆریان سەر بە رەجەب تەیب ئەردۆغان و پارتی داد و گەشەپێدانی توركیا بوون.
داخستنی ئەو هەژمارانە لە چوارچێوەی هەڵمەتێكی بەرفراوانی تۆڕەكەدا دێت كە تیادیا 32 هەزار هەژماری تویتەر داخران، زۆرینەشیان سەر بە دەسەڵاتدارانی روسیا، توركیا و چین بوون.
تویتەر رونیكردۆتەوە، ئەو هەژمارە داخراوانە ساختە بوون، یان تۆڕەكەیان بۆ مەبەستی خراپ بەكارهێناوە.
