ئێوە لە كوردستان بەردوام بن ، ئێمەش لە بەغداد بەردوام دەبین
دەڵێن ” كوا ٤٠٠ ملیار دینارەكەی فەرمانبەرانی هەرێم ”
دوای ئەوەی ئێمە وەک دوو ئەندامی ئەنجومەنی نوێنەرانی عێراق بە فەرمی دەستەی نەزاهەی عێراقمان راسپارد بە لێکۆڵینەوە لە موچەی فەرمانبەرانی هەرێم بۆ مانگی نیسانی ۲٠۲٠ بەهۆی ئەوەی حکومەتی هەرێم بە بێ هیچ بنەمایەکی یاسایە لەبری پێدانی موچە، لە وپارەیە قەرزی کۆمپانیاکان و وەبەرهێنەرانی لێداوەتەوە، کە ئەمەش نایاساییە.
ئەمرۆش نوێنەرایەتی نەتەوە یەکگرتووەکان لە عێراق پەیوەندیان پێوەکردین ، پرسیاری ئەوەیان كرد ،ئایا ئێوە دوای لێكۆڵینەوەتان كردوە بۆ ٤٠٠ ملیارەكە ؟ ئایا راستە ؟ ئێمەش وەڵامان دایەوە كە راستە و ٤٠٠ ملیارەكە كە لە بەغداد هاتوە نەدراوە بە موچەی فەرمانبەران لە هەرێم ، لە كۆتایدا ئەوانیش دەیانەوێ بەدواداچون بۆ ئەو پرسە بکەن ووە جێگەی سەرسورمانیان بوو کە چۆن دەکرێت پارەی موچە بۆ دانەوەی قەرز بەکاربهێنرێت…
ئێمە بەردەوام ئەبین تا بەرپرسانی هەرێم بخرێنە ژێر لێکۆڵینەو و رێگەنەدرێت موچەی فەرمانبەران بۆ بەرژەوەندی کۆمپانیاکان بەکاربهێنرێت.
سەرکەوت شەمسەدین
غالب محمد عەلی
