رێكخراوی تەندروستی جیهانی گەشبینی خۆی نیشاندا بەوەی تا كۆتایی ئەمساڵ ڤاكسینی كۆرۆنا بەردەستبێت و لە قۆناغی یەكەمدا بۆ ئەو توێژانە بەكاردەهێنرێت كە زیاتر مەترسییان لەسەرە.
سومەیە سوامینسان یەك لە زانایانی رێكخراوی تەندروستی جیهانی رایگەیاند، سەرباری ئەوەی تا ئێستا نەیانتوانیوە بگەنە دروستكردنی هیچ ڤاكسینێك، بەڵام گەشبینن بەوەی تا كۆتایی ئەمساڵ ڤاكسینەكە بەرهەمدەهێنرێت.
وتیشی، تا ئێستا 200 ڤاكسین كاریان لەسەر دەكرێت و لەو ژمارەیە 10 ڤاكسینیان لە قۆناغی تاقیكردنەوەی مرۆییدان.
جەختیشی كردۆەوە، لەگەڵ بەرهەمهێنانی ڤاكسینی كۆرۆنا لە قۆناغی یەكەمدا بۆ ئەو توێژانە بەكاردەهێنرێت كە مەترسی تووشبوونیان زیاترە، لەوانە كارمەندانی تەندروستی، كرێكاران و فرۆشیارانی ماركێتەكان، خانەی بەساڵاچووان و زیندانەكان.
