دادگای باڵای دەستووری توركیا جەختدەكاتەوە زیندانیكردنی سەڵاحەدین دەمیرتاش نایاساییە و مافەكانی پێشێلكراون و وەزارەتی دادیشی بە بژاردنی 50 هەزار لیرە بە دەمیرتاش سزادا، بەڵام سەرباری ئەوانەش دەمیرتاش ئازاد نەكرا.
دادگای باڵای دەستووری توركیا ڕایگەیاند، زیندانیكردنی دەمیرتاش بە پێی خاڵی 19ی دەستووری بنەڕەتی پێشێلكارییە و بڕیاریدا وەزارەتی دادی توركیا بە بڕی 50 هەزار لیرە سزا بدات، كە ئەو بڕە وەك قەرەبوو بە دەمیرتاش بدرێت، ئەو بڕیارەش بۆ 19هەمین لقی دادگای سزا قورسەكان و وەزارەتی داد دەنێردرێت.
سەرباری ئەوەی بەپێی بڕیاری دادگای مافی مرۆڤی ئەوروپا و بەپێی بڕیاری دادگای دەستووری بنەڕەتیی توركیا مافەكانی دەمیرتاش پێشێلكراون و زیندانیكردنەكەی نایاساییە و دەوڵەتی تورك بەو هۆیەوە سزا دراوە، بەڵام دەوڵەتی توركیا ئامادە نییە دەمیرتاش ئازاد بكات.
لە 4ی تشرینی یەكەمی 2016، لەلایەن حكومەتی توركیاوە لەگەڵ فیگەن یوكسەكداغ و بەشێك لە ئەندام پەرلەمانەكانی ھەدەپە بەتۆمەتی پەیوەندی لەگەڵ پەكەكەدا دەستگیركراو تاوەكو ئێستاش لە زینداندایە.
