نوێترین هەواڵ

رێكەوت زەكی: دەبێت هەرێمی سلێمانی بەتەنیشت هەرێمی هەولێرەوە دروست بكرێت

رێكەوت زەكی، ئەندامی ئەنجومەنی پارێزگای سلێمانی لە فراكسیۆنی یەكێتی رایگەیاند: دەبێت ھەرێمی سلێمانی بەتەنیشت هەرێمی هەولێرەوە دروست بكرێت و ئەوەش داوایەكی دەستورییە ھەروەك ئەوەی كە حكومەتی هەرێم داوای جێبەجێكردنی دەستور لەبەغدا دەكات.
رێكەوت زەكی، لە نوسینێكدا لەژێر ناوی “شەرعیەتی هەرێمی سلێمانی” رایگەیاندوە”حەوت ساڵی ڕابردو دو هەوڵی سیاسی و ئابوری هەبون بۆ پچڕان لەبەغدا، سەرەنجام هەوڵە ئابورییەكە (ئابوری سەربەخۆ)و هەوڵە سیاسییەكە (ڕیفراندۆم) شكستیان هێناو ئەنجامەكەی وەرگرتنی دەیان پۆست لەعیراق و موحتاجبونی دەستی بەغدابو، بەبێ ئەوان حكومەتی هەرێم تەنها یەك موچەی تەواوەتی پێنەدراوە.”
ئەوەشی خستۆتەڕو”لەدوای هاتنەوەی هەواڵ لەبەغداو نوسراوەكەی دیوانی چاودێری دارایی عێراق كە داوای زۆر دۆسیەو داهاتی نەوت و ناوخۆ لەحكومەتی هەرێم دەكات، لەئەگەری ڕودانی ڕێككەوتنی لەوجۆرە لامەركەزی ئیداری و دارایی بەبێ داهاتی نەوت و ناوخۆ سودێكی ئەوتۆی نامێنی.”
ئەو پێی وایە “دەبێت سلێمانی ماددەی 119ی دەستوری عێراق جێبەجێبكات، كە بریتیە لەدروستكردنی هەرێمی سلێمانی بەتەنیشت هەرێمی هەولێرەوە، هەروەك چۆن حكومەتی هەرێم داوای جێبەجێكردنی دەستور لەبەغدا دەكات، ئێمەش لەداوای دەستوریی زیاترمان نەوتوە.”
هەروەها وتوشیەتی”ئێستا كە پاشەكەوتی موچە تەپەی پێی دێت، هەرێمی سلێمانی ئاسانتر لەگەڵ بەغدا دەتوانێت لەسەر بودجەو موچەی فەرمانبەران و ڕادەستكردنی سامانی سروشتی ڕێكبكەوێت و گیرۆدەی گرێبەستی هیچ وڵاتێك نییە، وەك چۆن مامەڵە لەگەڵ هەرێمی كوردستان دەكرێت هەرواش مامەڵە لەگەڵ هەرێمی سلێمانی دەكرێت نەك وەك ئەوەی دەڵێن دەچنەوە سەربەغدا! مەگەر ئێستا هەرێمی كوردستان سەربە كوێیە؟ بێگومان سەربە بەغدایەو لاوازانەش چاوی لەدەستیەتی.”

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .