مه‌سرور بارزانی سه‌رۆكی حكومه‌تی هه‌رێمی كوردستان له رۆژی جیهانیی په‌نابه‌راندا په‌یامێكی له رێگه‌ی ئه‌كاونته‌كانی له تۆڕی كۆمه‌ڵایه‌تیی توویته‌ر و ئینستاگرام بڵاوكرده‌وه و رایگه‌یاندووه، “هیوادارم جیهان په‌نابه‌رانی رۆژئاوای كوردستان و سووریا و ئاواره‌كانی پارێزگاكانی عێراقی له‌بیر بێت، كه له هه‌رێمی كوردستانن”.
ده‌قی په‌یامه‌كه‌ی مه‌سرور بارزانی سه‌رۆكی حكومه‌تی هه‌رێمی كوردستان:
حكومه‌تی هه‌رێمی كوردستان به‌رده‌وامه له میوانداریكردن و پێشكه‌شكردنی پێداویستی بۆ ملیۆنێك و سه‌د هه‌زار په‌نابه‌ری رۆژئاوای كوردستان و سوریا و ئاواره‌كانی پارێزگاكانی عیراق . له رۆژی جیهانیی په‌نابه‌راندا، هیوادارم جیهان ئه‌وانی له یاد بێت. پێویستیمان به هاوكاری نێوده‌وڵه‌تی و یارمه‌تیی داراییه بۆ ئه‌وه‌ی زه‌مینه‌خۆش بكه‌ین تا به شێوه‌یه‌كی ئاره‌زوومه‌ندانه و سه‌ربه‌رزانه بگه‌ڕێننه‌وه ناوچه‌كانیان.
