نێچیرڤان بارزانی لەگەڵ مستەفا كازمی كۆبوەوە

نێچیرڤان بارزانی سەرۆكی هەرێمی كوردستان كە بە سەردانێك لە بەغدایە، لەگەڵ مستەفا كازمی سەرۆك وەزیرانی عیراق كۆبووەوە.
بارزانی لە میانی كۆبوونەوەكەیدا لەگەڵ كازمی تاوتوێی كێشەكانی نێوان هەولێر و بەغدا و چەند پرسێكی دیكە دەكات.
ئەم سەردانەی سەرۆكی هەرێمی كوردستان بە یەكەم سەردانی بۆ بەغدا دادەنرێت لەدوای دەستبەكاربونی مستەفا كازمی وەك سەرۆك وەزیرانی عیراق.
هەریەك لە جێگرانی سەرۆكی هەرێم، مستەفا سەید قادر و جەعفەر شێخ مستەفا یاوەری نێچیرڤان بارزانی دەكەن لە سەردانەكەیدا بۆ بەغدا.