وه‌زیری به‌رگریی توركیا: 700 ئامانجى په‌كه‌كه‌مان پێكاوه‌

خوڵوسى ئاكار وه‌زیرى به‌رگریى توركیا ئاشكرایكرد، له‌ میانه‌ى ئۆپه‌راسیۆنی سه‌ربازیى “چنگ-پڵنگ” زیاتر له‌ 700 ئامانجى پارتى كرێكارانى كوردستان “په‌كه‌كه‌”یان پێكاوه‌.
خوڵوسى ئاكار له‌كاتى سه‌ردانیكردنى خاڵێكى سه‌ربازى له‌ نزیك ناوچه‌كانى په‌لاماره‌ سه‌ربازییه‌كانیان له‌ هه‌رێمی كوردستان، رایگه‌یاند، هێزه‌كانى توركیا ژماره‌یه‌كى زۆر حه‌شارگه‌ و ئامانجى ئه‌ندامانى په‌كه‌كه‌یان روخاندوه‌.
ئاماژه‌ى به‌وه‌شداوه‌، له‌سه‌ره‌تاى پرۆسه‌كه‌وه‌ 150 پێگه‌ى په‌كه‌كه‌ كۆنترۆڵكراوه‌ و ده‌ست به‌سه‌ر ژماره‌یه‌كى زۆر چه‌ك و ته‌قه‌مه‌نیدا گیراوه‌، زیاتر له‌ 700 ئامانجیش بۆردومانكراون.
له‌ماوه‌ى رابردودا سوپاى توركیا به‌بیانوى شه‌ڕى دژى پارتى كرێكارانى كوردستان “په‌كه‌كه‌” هێرشى سه‌ربازى بۆسه‌ر ناوچه‌ى حه‌فتانین له‌ پارێزگاى دهۆك ده‌ستپێكردوه‌ و به‌هۆى بۆردومانه‌كانیه‌وه‌ زیانێكى زۆرى مادى له‌و ناوچه‌یه‌ كه‌وتوه‌ته‌وه‌، پێنج هاووڵاتى سڤیلیش شه‌هیدبون.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .