هونەرمەند عەتا چاوشین بەهۆی توشبونی بە ڤایرۆسی كۆرۆنا لە نەخۆشخانەیەكی شاری سلێمانی گیانیلەدەستدا.
بەیانی ئەمڕۆ هەواڵی گیانلەدەستدانی هونەرمەندی گۆرانیبێژ عەتا چاوشین لە نەخۆشخانەی شەهید ئاسۆ بە پەتای كۆرۆنا بڵاوبۆوە و سەرچاوەیەكیش لە بەڕێوەبەرایەتی تەندروستی سلێمانی رایگەیاند، ناوبراو نیشانەكانی نەخۆشییەكەی بە قورسی لێدەركەوتبو، بۆیە دوای مانەوەی لە نەخۆشخانە و چاودێریكردنی رەوشی تەندروستی، بەداخەوە ئەمڕۆ گیانیلەدەستدا.
رۆژی 17ی ئەم مانگە هونەرمەند جەزای ساز سەرۆكی كۆمەڵەی هونەری میلـلی داوایكرد فریای گیانی عەتا چاوشین بكەون، چونكە تەندروستیی زۆر ناجێگیرە و پێویستی بە پلازمای خوێنە”.
هونەرمەند عەتا چاوشین، لە ساڵانی 80ی سەدەی رابردوودا دەستی بە كاری هونەری كردووە، زیاتر لە 35 ساڵە بەردەوامە و چەندین بەرهەمی گۆرانیی هەیە.
