ئه‌نجومه‌نی نوێنه‌رانی عیراق له دانیشتنێكیدا پڕۆژه یاسای قه‌رزی ناوخۆیی و ده‌ره‌كی په‌سه‌ندكرد.
رۆی چوار شه‌ممه ئه‌نجومه‌نی نوێنه‌رانی عیراق به كۆی ده‌نگی 168 په‌رله‌مانتار بۆ پڕكردنه‌وه‌ی كورتهێنان له بودجه‌ی عیراق و به‌ره‌نگاربونه‌وه‌ی كۆرۆنا، پڕۆژه‌یاسای قه‌رزی ناوخۆیی و ده‌ره‌كی په‌سه‌ندكرد.
به پێی یاساكه حكومه‌تی عیراق ده‌توانێت پێنج ملیار دۆلار قه‌رزی ده‌ره‌كی و 15 ترلیۆن دینار قه‌رزی ناوخۆیی بكات تا بتوانێت مووچه‌ی فه‌رمانبه‌ران و خانه‌نشین و خه‌رجییه‌كانی دابین بكات.
ئه‌وه‌ش له‌كاتێكدایه به‌هۆی دابه‌زینی نرخی نه‌وت له ماوه‌ی چه‌ند مانگی رابردوودا، دۆخی ئابوری عیراق گرفتی بۆ دروستبوو له ئێستاشدا به‌بێ وه‌رگرتنی قه‌رز حكومه‌ت ناتوانێت مووچه‌ی مووچه‌خۆران دابین بكات.
