وته‌بێژی به‌ڕێوه‌به‌رایه‌تی گشتیی ته‌ندروستیی سلێمانی توشی ڤایرۆسی كۆرۆنا بو.
له‌وباره‌یه‌وه عه‌بدوڵڵا گۆران له به‌شی راگه‌یاندنی به‌ڕێوه‌به‌رایه‌تی گشتیی ته‌ندروستیی سلێمانی بڵاویكرده‌وه، دكتۆر یاد نه‌قشبه‌ندی وته‌بێژی به‌ڕێوه‌به‌رایه‌تییه‌كه توشبوی كۆرۆنابوه و باری ته‌ندروستی جێگیره.
هه‌روه‌ها ئه‌وه‌شی رونكردوه‌ته‌وه، كه دكتۆر یاد نه‌قشبه‌ندی به‌رده‌وام ده‌بێت له‌سه‌ر كاری خۆی، به‌ڵام جیاواز له جاران له‌پێناوی پاراستنی خه‌ڵكی و رۆژنامه‌نوسان رێكاره‌كانی خۆپارێزی زیاتر ده‌كات و زۆربه‌ی لێدوان و زانیاریه‌كان له رێگه‌ی ته‌له‌فۆنه‌وه لێی وه‌رده‌گیرێت.
جێی وه‌بیرهێنانه‌وه‌یه هه‌ر ئه‌م هه‌فته‌یه دكتۆر هێرش سه‌ید سه‌لیم جێگری به‌ڕێوه‌به‌ری گشتیی ته‌ندروستیی سلێمانی رایگه‌یاند، توشی ڤایرۆسی كۆرۆنا بوه.
