سكرتێری جڤاتی نیشتمانی بزوتنەوەی گۆڕان رایدەگەیەنێت، كۆمپانیا حیزبیەكان لە رێگای كارئاسانی حیزبەكانیان و دور لە كێبڕكێ، دەوڵەمەند و زەبەلاح بون، ئێستا با ناچار بكرێن كورتهێنانی موچە پڕ بكەنەوە.
عەدنان عوسمان ئەندامی خانەی راپەڕاندنی بزوتنەوەی گۆڕان لە تویتێكدا نوسیویەتی: كۆمپانیا حیزبیەكان لە رێگای كارئاسانی حیزبەكانیان و دور لە كێبڕكێ، دەوڵەمەند و زەبەلاح بون، حیزبەكانیان لە بری بەیان و هەڕەشە، با كۆمپانیاكانیان ناچار بكەن كورتهێنانی موچە پڕ بكەنەوەبكەنەوە.
حكومەتی هەرێم بەهۆی دابەزینی نرخی نەوت و نەناردنی شایستە داراییەكان لە بەغدا و كەمبونەوەی داهاتی ناوخۆ، رایگەیاندوە كە كورتهێنانی هەیە لە پێدانی موچەی فەرمانبەران، هەر بۆیە بڕیاریدا بۆ ئەم مانگە لێبڕینی موچە بە رێژەی 21% بۆ موچەی فەرمانبەران و 50% بۆ موچەی پلە باڵاكان جێبەجێ بكات
