دواى هێرشهكانى توركیا بۆسهر خاكى عیراق، لیژنهى ئاسایش و بهرگریى پهرلهمان داوادهكات بهرگرى ئاسمانى بههێز بكرێت. تهئكیدیشدهكاتهوه بههۆى دهستدرێژیهكانهوه له ئهنجومهنى ئاسایشی نێودهوڵهتی سكاڵا تۆماركراوه.
لهوبارهیهوه عهبدولخالق عهزاوى ئهندامى لیژنهى ئاسایشى و بهرگریى پهرلهمانى عیراق رایگهیاند، لیژنهكه داواى كردوه بهرگریى ئاسمانى و فڕۆكهوانى و رادار له عیراقدا بههێزبكرێت لهپێناو تۆكمهكردنی تواناى سوپا بۆ بهرپهرچدانهوهى ههر دهستدرێژییهك.
سهبارهت به هێرشهكانى توركیا و ئێران ئاماژهى بهوهداوه، هاوئاههنگییهكی باڵا لهنێوان فهرماندهی هێزه چهكدارهكان و لیژنهى ئاسایش و بهرگرى و لیژنهى پهیوهندیهكانى دهرهوه ههیه، ئهوهش لهرێگهى بانگهێشتكردنى باڵیۆزانى توركیا و ئێران و پێدانى یاداشتنامهى ناڕهزایى توند، ههروهها سكاڵا له ئهنجومهنى ئاسایشی نێودهوڵهتی تۆماركراوه.
لهماوهى رابردودا توركیا ناوچهى حهفتانینى سهربه پارێزگاى دهۆكى بۆردومان كردو دواتر پرۆسهی سهربازى بهناوهكانی (چنگ-ههڵۆ) و (چنگ-پڵنگ) به بیانوى شهڕى دژى پهكهكه دهستپێكرد، كۆمارى ئیسلامى ئێرانیش چهند ناوچهیهكى بۆردومان كرد و هێزى لهسهر سنور كۆكردوهتهوه.
