نوێترین هەواڵ

خالید شوانی: سەرەڕای قەیرانی ئابوریی، هەرێم شایستەی دارایی لای بەغدا هەیە

خالید شوانی وەزیری هەرێم بۆ كاروباری ناوچە كوردستانیەكانی دەرەوەی ئیدارەی هەرێم و ئەندامی شاندی حكومەت لە بەغدا دەڵێت “سەرەڕای قەیرانی ئابوری، هەرێم شایستەی دارایی لە بەغدا هەیە و ئیرادەیەكی جدیش هەیە بۆ چارەسەركردنی كێشە هەڵپەسێردراوەكانی نێوان هەردوولا”.
شوانی لەلێدوانێكدا بە رۆژنامەی “الشرق الاسگ”ی وتوە “عیراق هاوشێوەی هەرێمی كوردستان بە قەیرانێكی داراییدا تێدەپەڕێت، ئەوەش بۆ پابەندبون بە بڕیاری رێكخراوی ئۆپێك بۆ كەمكردنەوەی بڕی بەرهەمی نەوت دەگەڕێتەوە، بۆیە ئەوە پێویستی بە هاوكاری نێوان حكومەتی ناوەندی لە بەغدا و حكومەتی هەرێمی كوردستان هەیە بۆ روبەڕوبونەوەی سەرجەم لێكەوتەكانی دۆخەكە”.
وتیشی “سەرەڕای بارودۆخەكە، هەرێمی كوردستان شایستەی دارایی لای بەغدا هەیە، كە بریتییە لە موچەی فەرمانبەران و بودجە، هەروەها لێكتێگەیشتن لەسەر دۆسێی داهاتی نەوت هەیە و دەكرێت هەردوولا بگەنە رێككەوتنێك لەسەر ئەو مەلەفە، ئەوەی گرنگە بەلامانەوە چۆنێتی هاریكاری هەردوولایە بۆ تێپەڕاندنی ئەم قەیرانە”.
سەبارەت بەجیاوازی گفتوگۆكانی پێشو لەگەڵ ئەوانەی ئێستاش، خالید شوانی رایگەیاندوە، جیاوازیەكە ئەوەیە ئێستا ئیرادەیەكی راستەقینە لەنێوان هەردوولادا هەیە بۆ چارەسەركردنی كێشەكان، بۆیە بەبونی ئەو ئیرادەیە ئومێدیان وایە بگەنە لێكتێگەیشتن.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .