مەحمود كەعبی ئەندامی پەرلەمانی عیراق تەئكیددەكاتەوە تا كۆتایی ئەمساڵ موچەی فەرمانبەران و خانەنشینانی عیراق مسۆگەرە.
كەعبی لە لێدوانێكی رۆژنامەوانیدا وتی “یاسای قەرزی ناوخۆیی و دەرەكی پارە بۆ وەزارەت و دامەزراوەكان دابین دەكات لە رووی موچە و خەرجییە گرنگەكانەوە، بۆیە موچەی فەرمانبەران و خانەنشینان بەشێوەیەكی تەواوەتی تا كۆتایی ساڵ مسۆگەرە”.
رونیشیكردوەتەوە، پەرلەمان بەپێی یاسا حكومەتی ناچاركردوە لەماوەی 60 رۆژدا چاكسازی دارایی ئەنجامبدات، دابینكردنی موچەی فەرمانبەرانی تازەش لە چوارچێوەی قەرزەكەدا مسۆگەركراوە.
رۆژی چوارشەممە، پەرلەمانی عیراق یاسای قەرزی ناوخۆیی و دەرەكی تێپەڕاند و بەپێی یاساكە حكومەت بۆ دابینكردنی موچە و خەرجییە پێویستەكان قەرز دەكات و لەكاتی پێویستیشدا دەتوانێت بەردەوام بێت لە قەرزكردن.
