فراكسیۆنی یەكێتی: پێویستە سەرۆكایەتیەكانی عیراق كار بۆ راگرتنی هێرشەكانی توركیا بكەن

فراكسیۆنی یەكێتی لە پەرلەمانی عیراق داوا لە سێ سەرۆكایەتییەكەی وڵاتەكە دەكات دەستبەجێ هەنگاوی كاریگەر بگرنەبەر بۆ راگرتنی هێرشەكانی توركیاو روبەڕوی پێشێلكاریەكانی ئەو وڵاتە ببنەوە.
فراكسیۆنی یەكێتی لە پەرلەمانی عیراق لە بەیاننامەیەكدا رایگەیاند: بۆردومانەكەی توركیا لە ناوچەی گەشتیاری كونەماسی سەربە پارێزگای سلێمانی كە شەهیدو برینداری لێكەوتۆتەوە پێشێلی سەروەری عیراق و رێزنەگرتنە لەو یاداشتی ناڕەزایەتییانەی كە حكومەتی عیراق بە باڵیۆزی توركیای داون.
هێمای بۆ ئەوەش كردوە كە لەكاتێكدا كاردەكەین بۆ پاراستنی پەیوەندییە دۆستانەكان لەگەڵ توركیای دراوسێ، بەڵام جەختیش دەكەینەوە كە رێزگرتن لە خوێنێ گەلەكەمان و سەروەری خاكەكەمان هێڵی سورەو كاردەكەین بۆ بەرگرتن و پاراستنی.
فراكسیۆنی یەكێتی داوای لە هەر سێ سەرۆكایەتییەكەی عێراق كردوە دەستبەجێ هەنگاوی كاریگەر بگرنەبەر بۆ راگرتنی هێرشەكانی توركیاو روبەڕوی پێشێلكارییەكانی توركیا ببنەوە.
داواشی لە وەزارەتی دەرەوەی عێراق و نوێنەری عێراق لە ئەنجومەنی ئاسایشی نێودەوڵەتی كردوە، داوای گرێدانی دانیشتنێكی بەپەلەی ئەنجومەنی ئاسایش بكات بۆ راگرتنی ئۆپەراسیۆنە سەربازییەكەی توركیا لەنێو خاكی عێراق و دەركردنی بڕیارێك بۆ قەرەبوكردنەوەی قوربانیانی مەدەنی عێراقی كە بەهۆی ئەو ئۆپەراسیۆنەوە شەهید بون.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .