دوای ئەوەی لە ئەنجومەنی پارێزگای دهۆك عەلی تەتەر وەك پارێزگار متمانەی پێ درا، بڕیارە لە چەند ڕۆژی داهاتوودا سەركردایەتیی پارتی، كەسێك بۆ پۆستی لقی هەشت دیاری بكات و بەرپرسێكی پارتیش دەڵێ، گۆڕانكارییەكانی دهۆك بەردەوام دەبن.
شڤان شێخۆ، كارگێڕی لقی هەشتی پارتی لە زاخۆ، بە ماڵپەڕی فەرمیی حزبەكەی ڕاگەیاندوە: “دوای ئەوەی عەلی تەتەر لە بەرپرسی لقی هەشت گوازرایەوە بۆ پارێزگاری دهۆك، بڕیارە لە ڕۆژانی داهاتوودا سەركردایەتیی پارتی كەسێكی دیكە وەك بەرپرسی لقی هەشت دیاری بكات.”
لەبارەی گۆڕانكاریی دیكەی ئیداری لە دهۆك بەرپرسەكەی پارتی دەڵێت: “پلان ئەوەیە گۆڕانكاری لە حكوومەتی خۆجێی دهۆكدا بكرێت و چەند بەرپرس و بەڕێوەبەرێكی دیكە بگۆڕدرێن، بەڵام ئێستا ناوەكان یەكلا نەبوونە كە كێ كام پۆست وەر دەگرێت.”
