wazho.net
لە رووداوێكی تەقەكردندا لە ناو كۆگای بازاڕێكی گەورە لە ویلایەتی كالیفۆرنیای ئەمریكا هێرشبەرەكە و كەسێكی تر كوژران و چوار كەسیش برینداربون.
میدیاكانی ئەمریكا بڵاویانكردەوە، بەهۆی تەقەكردن لە كۆگای باززاڕی والمارت لە شاری ڕێد بلەفی كالیفۆرنیا بەلایەنی كەم دوو كەس كوژراون و چوار كەسی تریش بریندار بوون.
پۆلیسێك لە ناوچەی تەهاما رایگەیاندووە، هێرشبەرەكە بەرلە ئەنجامدانی هێرشەكەی چوارجار بە شوێنی پاركی ئۆتۆمبێلەكاندا سوڕاوەتەوە پاشان ئۆتۆمبێلەكەی كێشاوە بە باڵەخانەی كۆگاكە و دەستیكردووە بە تەقەكردن.
هێرشبەرەكە یەكێك لە كرێكارەكانی بازاڕەكەی كوشتووە و پاشان پۆلیس تەقەی لێكردووە و كوشتویەتی.
بریندارەكانیش براون بۆ نەخۆشخانەی سان ئلیزابێت لە ڕێد بلەف. ڕێد بڵەف شارێكی بچووكەو دانیشتوانەكەی تەنها نزیكەی 14 هەزار كەسن.
