نوێترین هەواڵ

لاهور شێخ جەنگی: لەگەڵ گۆڕان چاككردنی بژێویی هاووڵاتیان و بارودۆخی هەرێممان تاوتوێكرد

لاهور شێخ جەنگی هاوسەرۆكی یەكێتی رایدەگەیەنێت، لەگەڵ بزوتنەوەی گۆڕان دەربارەی چاككردنی دۆخی بژێویی هاووڵاتیان و بارودۆخی گشتی هەرێم گفتوگۆیان كردووە.
دوای ئەوەی ئەمڕۆ چوارشەممە شاندێكی یەكێتی بە سەرۆكایەتیی لاهور شێخ جەنگی هاوسەرۆكی حزبەكە، سەردانی مەكۆی سەرەكیی بزوتنەوەی گۆڕانی كرد لە سلێمانی و كۆبونەوە، لاهور شێخ جەنگی هاوسەرۆكی یەكێتی لە پەیجی فەرمیی خۆی لە فەیسبوك نوسیوێتی، “لەگەڵ بەڕێز عومەر سەید عەلی رێكخەری گشتی و لێپرسراوانی تری باڵای بزوتنەوەی گۆڕان كۆبوینەوە و دەربارەی چاككردنی دۆخی بژێویی هاووڵاتیان و بارودۆخی گشتیی هەرێمی كوردستان و پەیوەندییەكانی هەردوولا و چەند بابەتێكی تری گرنگ گفتوگۆمان كرد”.
كۆبونەوەكەی یەكێتی و گۆڕان لەكاتێكدایە هەرێمی كوردستان لە قەیرانێكی ئابوری و داراییدایە و گفتوگۆی نێوان هەرێم و بەغداش لەبارەی پرسی نەوت و شایستە داراییەكان نەگەیشتوەتە ئەنجامی پێویست، هەروەها پەیوەندیی نێوان یەكێتی و پارتیش لەئاستێكی خراپدایە، سەرەڕای هەڕەشە سەربازی و ئەمنییەكانی توركیا لەسەر خاكی هەرێمی كوردستان.

هەواڵی دواتر

مستەفا کازمی هەڵوێستی خۆی لەبارەی رەتکردنەوەی پرۆژە یاسای ئاسایشی خۆراک راگەیاند

لەیەکەم هەڵویستی دژی بڕیارەکەی دادگای فیدڕاڵی بە رەتکردنەوەی پرۆژە یاسای ئاسایشی خۆراک، مستەفا کازمی سەرۆک …

وەڵامێک بنووسە

پۆستی ئەلکترۆنیکەت بڵاو ناکرێتەوە .