سەرۆکی حکومەتی هەرێم له كۆبوونه‌وه‌ی لەگەڵ وەزیری گەیاندنی عیراقی و شاندی یاوەری جه‌ختله‌وه‌ده‌كاته‌وه، جێبەجێکردنی دەستور فاکتەرێکی گرنگیی پێشکەوتن و سەقامگیربوونی دۆخی عیراقە.
ئەمڕۆ پێنجشەممە 2/7/2020 مەسرور بارزانی سەرۆکی حکوومەتی هەرێمی کوردستان پێشوازی لە ئەرکان شەهاب ئەلشەیبانی، وەزیری گەیاندنی عیراق و شاندی یاوەری کرد، بەپێی راگەیەندراوێکی ئەنجومەنی وەزیرانی هەرێمیش، لە دیدارەکەدا، کە ئانۆ جەوهەر وەزیری گواستنەوە و گەیاندنی هەرێمی کوردستان و عەلی خوەیلدی سەرۆکی ئەنجومەنی بەڕێوەبردنی دەستەی ڕاگەیاندن و گەیاندنی عێراقی ئامادەی بوون، پەرەپێدانی پەیوەندییەکانی نێوان هەرێمی کوردستان و حکومەتی فیدراڵی، بە تایبەتی لە بواری گەیاندن تاوتوێ کرا.
ئه‌وه‌شخراوه‌ته‌ڕوو، وەزیری گەیاندنی عیراق ئامادەیی وەزارەتەکەی بۆ هاوکاری و هەماهەنگیی لە گەڵ حکومەتی هەرێمی کوردستان دەربڕی لە پێناو پێشخستنی بواری گەیاندن لە عیراق و هەرێمی کوردستاندا.
وەزیری گەیاندنی عیراق وتیشی، “ڕێز لە تایبەتمەندییەکانی هەرێمی کوردستان دەگرین و دەمانەوێت باشترین پەیوەندی لە نێوان هەردولادا هەبێت، چونکە بەهێزبونی هەرێمی کوردستان لە بەرژەوەندی هەمو عێراقە و بە پێچەوانەشەوە”.
لای خۆشیه‌وه سەرۆکی حکومەتی هەرێمی کوردستان جەختی لە “چارەسەرکردنی کێشەکانی نێوان هەرێمی کوردستان و حکومەتی فیدرالی کردەوە لە سەر بنەمای دەستور، چونکە جێبەجێکردنی دەستور فاکتەرێکی گرنگیی پێشکەوتن و سەقامگیربوونی دۆخی عیراقە”.
