نوێترین هەواڵ

لیژنەی باڵای روبەڕوبوونەوەی كۆرۆنا چەند بڕیارێكی دەركرد

لیژنەی باڵای روبەڕوبوونەوەی كۆرۆنا چەند بڕیارێكی نوێی دەركرد، جەختكراوەتەوە لە پابەندبوون بە رێنماییە تەندروستی و خۆپارێزییەكان، قەدەغەی هاتوچۆی نێوان شارەكان و پارێزگاكانیش درێژكرایەوە.
ئەمڕۆ دووشەممە مەسرور بارزانی سەرۆكی حكومەتی هەرێمی كوردستان، لە ڕێگەی ڤیدیۆ كۆنفرانسەوە، سەرپەرشتی كۆبونەوەیەكی لیژنەی باڵای وزاری بۆ روبەڕوبوونەوەی كۆرۆنای كرد، قوباد تاڵەبانی جێگری سەرۆكی حكومەت و ژمارەیەك لە وەزیرە پەیوەندیدارەكان بەشداربوون، دۆخی ئێستای بڵاوبوونەوەی پەتای كۆرۆنا لە هەرێمی كوردستان و هەنگاوەكانی سنورداركردنی ڤایرۆسەكە و كارایی رێكارەكانی خۆپارێزی و پابەندبوون بە رێنماییە تەندروستییەكان هەڵسەنگێنرا.

 لە كۆبوونەوەكەدا چوار بڕیار دران :

یەكەم : بەردەوامبوونی هەردوو وەزارەتی تەندروستی و ناوخۆ لە دەركردنی ڕێكارەكانی خۆپارێزی و ڕێنمایی تەندروستی پێویست بۆ ڕووبوونەوەی ڤایرۆسی كۆرۆنا و سەپاندنی بە كارهێنانی ماسك و دەستەوانە و تێكەڵاونەبوون لە شوێنە گشتییەكان و وەزارەت و فەرمانگە حكومییەكان و بەداواداچوون بۆ جێبەجێكردنی ئەو بڕیارانەی پێشتر لە ئەنجومەنی وەزیرانەوە دەرچوون و سزادانی سەرپێچیكاران.

دووەم: بەردەوامبوونی قەدەخەی هاتووچۆ لە نێوان شارەكان و لە نێوان پارێزگاكان لەو كاتانەی كە لە لایەن ژووری ئۆپەراسیۆنی پارێزگاكانەوە ڕاگەیەندراوە و درێژەدان بە داخستنی شوێنە گشتییەكان.

سێیەم: گەشتە ئاسمانییەكان هەتا 22 ی ئەم مانگە ڕادەگیرێن و دواتر بە هەماهەنگیكردن لە گەڵ حكومەتی فیدرالی بڕیاری پێویستی لە بارەوە دەدرێت بە لە بەرچاوگرتنی ڕێكار و ڕێنماییە تەندروستییەكان.

چوارەم: وەزارەتی ڕۆشنبیریی و لاوان و فەرمانگەی میدیا و زانیاریی لە چوارچێوەی بڕیار و ڕینماییەكانی وەزارەتی تەندروستی، ڕاسپێردران بۆ بەردەوامبوون و برەودان بە هەڵمەتی هوشیاركردنەوەی هاووڵاتییان بۆ پابەندبوون بە ڕێنماییە تەندروستییەكان و ڕێكارەكانی خۆپارێزی بە هاوكاری و هەماهەنگیی لە گەڵ دەزگاكانی ڕاگەیاندنی هەرێمی كوردستان.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .