بڕیارە سعودیە راستەوخۆ بەشداری لە بەرهەمهێنانی ڤاكسینی كۆرۆنا لە روسیا بكات.
كیریل دیمیتریێف سەرۆكی سندوقی وەبەرهێنانی راستەوخۆی روسیا رایگەیاندووە، ڤاكسینی كۆرۆنا لە قۆناغی یەكەمدا لەسەر 38 كەس تاقیكراوەتەوە و ئەنجامی ئەرێنی و سەركەوتوانەی هەبووە.
وتیشی، بڕیارە مانگی داهاتوو لە قۆناغی دووەمی تاقیكردنەوەدا ئەو ڤاكسینە لەسەر هەزاران كەس تاقیبكرێتەوە.
ئاشكراشی كرد، لەگەڵ سعویە رێككەوتوون كە قۆناغی دووەمی تاقیكردنەوەی ڤاكسینەكە لەو وڵاتە ئەنجام بدرێت.
سەرۆكی سندوقی وەبەرهێنانی راستەوخۆی روسیا ئاماژەی بەوەشكرد، كە گەشبینن بەوەی لەماوەیەكی كورتدا ڤاكسینی كۆرۆنا بگاتە قۆناغی كۆتایی و بەشێوەی فراوان بخرێتە بازاڕەوە و لەو دۆخەشدا، سعودیە لەپێشتر دەبێت.
