مەسعود بارزانی سەرۆكی پارتی دیموكراتی كوردستان و مەسرور بارزانی سەرۆكی حكومەتی هەرێمی كوردستان، پێشوازیان لە ژان ئیڤ لۆدریان وەزیری دەرەوەی فەرەنسا، كرد.
رۆژی هەینی لە پیرمام مەسرور بارزانی پێشوازی لە وەزیری دەرەوەی فەرەنسا و شاندی یاوەری كرد، كە لە چوارچێوەی سەردانەكەیدا بۆ عێراق شەوی پێنج شەممە گەیشتە هەولێر.
لە كۆبوونەوەكەدا، هەریەك لە قوباد تاڵەبانی، جێگری سەرۆكی حكومەتی هەرێمی كوردستان و سەفین دزەیی بەرپرسی فەرمانگەی پەیوەندییەكانی دەرەوەی حكومەت ئامادەبوون.
لای خۆیەوە مەسعود بارزانی سەرۆكی پارتی دیموكراتی كوردستان لە پێگەی تایبەتیی خۆی، لە تۆڕی كۆمەڵایەتیی (تویتەر) بڵاوی كردەوە: “خۆشحاڵ بووم بە پێشوازیكردنم لە ژان ئێف لۆدریان، وەزیری دەرەوەی فەڕەنسا لە ئۆفیسەكەم”.
بارزانی راشیگەیاندووە: لە كۆبوونەوەكەدا “باسی بارودۆخی ئێستای عێراقمان كرد و پەیوەندییەكانی نێوان هەرێمی كوردستان و فەڕەنسامان تاوتوێ كرد، هەروەها باسمان لە زیاتر پتەوكردنی ئەم پەیوەندییانە كرد”.
لۆدریان پێشتر لەگەڵ نێچیرڤان بارزانی سەرۆكی هەرێمی كوردستانیش كۆببوەوە و لە پرێس كۆنفرانسێكدا رایگەیاندبوو، هاتووم پشتیوانی و هاوسۆزیم بۆ هەرێمی كوردستان دووپات بكەمەوە
