پەرلەمانتارێكی گۆڕان: دزی و گەندەڵی نەبێت بەداهاتی كوردستان سێ دەوڵەت بەڕێوەدەبەم

پەرلەمانتارێكی گۆڕان دەڵێت، ئەگەر دزی و گەندەڵی نەبێت و داهات بگەڕێتەوە بۆ حكومەت، بە داهاتی كوردستان سێ دەوڵەتی وەك كوردستان بەڕیچوەدەبات.
یاسین خزر ئەندامی پەرلەمانی كوردستان لە فراكسیۆنی گۆڕان بە دەنگی ئەمریكای راگەیاندووە، هەرێمی كوردستان ئەگەر دادپەروەری تێدا بێت سێ دەوڵەتی وەكو كوردستان بەڕێوە دەبات كە ئێمە نزیكەی 6-7 ملیۆنین بەڵام دادپەروەری تێدانییە ، چەند مافیاگەراییەك هەیە لە كوردستان كۆنتڕۆڵی هەموو شتەكانی كردووە دەبێت حكومەتی هەرێم ئیش لەسەر هەموو ئەوانە بكات بۆ ئەوەی چاكی بكاتەوە ، هەمووی داهاتی كوردستان بێتەوە وەزارەتی دارایی چونكە ئەگەر دادپەروەری هەبێت و دزی و گەندەڵی تێدا نەبێت سێ دەوڵەتی وەكو كوردستانی پێوەبەڕێوە دەبەم كە دەكاتە نزیكەی هەژدە ملیۆن بەڵام دادپەروەری تێدانییە.”
جەختیشی كردەوە، داهاتی كوردستان نایەتە ناوسندوقی حكومەتەوە بەڵكو دەچێتە گیرفانی چەند بەرپرسێكەوە ئێمە دەبێت چاكسازی لە داهاتی كوردستان-دا بكەین.”