محەمەد كەریم خەفاجی وەزیری كشتوكاڵی عیراق ئاشكرایكرد، سەرجەم رێوشوێنەكان بۆ هەناردەكردنی سێ بەرهەمی كشتوكاڵی بۆ ناوچەی كەنداو تەواوكراون.
ئەو وەزیرەی عیراق لەلێدوانێكی رۆژنامەوانیدا ئاشكرایكردوە، سەرجەم رێوشوێنەكان بۆ هەناردەكردنی هەر سێ بەرهەمی تەماتە، باینجان و پەتاتە تەواوبون و هەریەكەیان بەبڕی 250 تۆن هەناردەی دەرەوە دەكرێن.
باسی لەوەشكردوە، وەك یەكەم قۆناغ ئەو بەرهەمانە دەنێردرێنە دەوڵەتانی كەنداو بەتایبەت ئیمارات و سعودیە.
وەزیری كشتوكاڵی عێراق ئەوەشی رونكردوەتەوە: لەرووی بڕی كاڵای بەردەست چاودێری بازاڕ دەكرێت و ئەوەی زیادەبێت دەكێشرێتەوە بۆ هەناردەكردن، رێگەش بە كۆمپانیای “واحە”ی بیابانی عەرەبی كشتوكاڵی دراوە كە بەرهەمەكان هەناردە بكات، هەروەها رێگەپێدانی تریش بەهەمان كۆمپانیا و كۆمپانیای دیكە دەدرێت بۆ هەناردەكردن.
