نوێترین هەواڵ

“هەفتەی داهاتوو پەرلەمان قەیرانی دارایی تاوتوێ نەكات فراكسیۆنی گۆڕان بۆچونی دەبێت”

پەرلەمانتارێكی گۆڕان دەڵێت، لەحاڵەتی نەبوونی سەرۆكی پەرلەمانی كوردستان، جێگرەكەی دەتوانێت هەندێك لە دەسەڵاتەكان پەیڕەو بكات و كۆبونەوەكان بەردەوامییان هەبێت، هۆشداریشی دا، ئەگەر لە كۆبونەوەكانی هەفتەی داهاتوو پرسی موچە و قەیرانی دارایی باسنەكرێت، گۆڕان بۆچونی دەبێت.
بەڵێن ئیسماعیل ئەندامی فراكسیۆنی گۆڕان لە پەرلەمانی كوردستان، لەمیانی بەشداریكردنی لە گفتوگۆی “نیو كاژێر”ی رادیۆ نەوا، قسەی لەسەر پێشهاتەكانی پەرلەمانی كوردستان كرد، رایگەیاند، زانیاریی هەیە لەسەر ئەوەی پێشكەوتنی باش لەنێوان یەكێتی و پارتی هاتووەتە ئاراوە، بۆیە هیوایخواست تەواوی فراكسیۆنەكان پێكەوە كار لەسەر ئەو پرسانە بكەن، كە گرنگە پەرلەمانی كوردستان كاریان لەسەر بكات.
لەبارەی كۆبونەوەكانی هەفتەی داهاتووی پەرلەمانی كوردستانیش، كە بڕیارە چەند وەزیرێكی حكومەت ئامادەیبن و چەند پرسێك تاوتوێبكەن، پەرلەمانتارەكەی گۆڕان وتی، پرسەكانی تۆپباران و دۆخی ناوچە جێناكۆكەكان و قەرزەكانی حكومەت و موچە و قەیرانی دارایی، پرسی گرنگن و بڕیارە قسەیان لەبارەوە بكرێت.
 راشیگەیاند، بە تێڕوانینی فراكسیۆنی گۆڕان، ئەولەویەت بۆ موچە و قەیرانی دارایی هەرێمە، بۆیە دڵنیایە لەوەی بەشێك لە ئەجێندای كۆبونەوەكانی هەفتەی داهاتوو پرسی دارایی دەبێت و راپۆرتی لیژنەی دارایی پەرلەمان دەخرێتە بەرنامەی كارەوە و تاوتوێ دەكرێت.
هۆشداریشیدا، ئەگەر دۆخی دارایی هەرێم لە ئەجێندای كۆبونەوەكانی هەفتەی داهاتوو دەرهێنرا، ئەوكات گۆڕان بۆچون و دیدی خۆی دەخاتە ڕوو.
بەڵێن ئیسماعیل ئاشكراشیكرد، رێواز فایەق سەرۆكی پەرلەمان واژۆی لەسەر كۆبونەوەكانی هەفتەی داهاتوو كردووە و كۆبونەوەكان هیچ گرفتیان نییە، بۆ داهاتووش ئەگەر سەرۆكی پەرلەمان بوونی نەبێت، جێگرەكەی بەپێی یاسا هەندێك لە دەسەڵاتەكانی دەبێت و كۆبونەوەكان بەردەوامییان دەبێت.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .