نوێترین هەواڵ

لەبارەی دابەشكردنی موچە پێش جەژن رونكردنەوە دەدرێت

سەرۆكی لیژنەی كاروباری دارایی و ئابوری لەپەڕلەمانی هەرێمی كوردستان ڕایدەگەیەنێت، ئەگەر ئیرادە هەبێت و بتوانرێت چاكسازی لە سەرچاوەكانی داهاتدا بكرێت حكومەتی هەرێمی كوردستان دەتوانێت هەموو مانگێك لەكاتی خۆیدا مووچە بدات.
زیاد جەبار پەرلەمانتاری یەكێتی و سەرۆكی لیژنەی كاروباری دارایی و ئابوری لەپەڕلەمانی هەرێمی كوردستان بە دەنگی ئەمریكای راگەیاندووە، بەپێی زانیارییەكانی من و بەدواداچوونەكانم لەپێش جەژندا حكومەت ناتوانێت موچەی مانگی سێ دابەش بكات ئەویش بەبیانووی ئەوەی حكومەت پارەی پێویستی لەبەردەستدا نییە بۆ دابینكردنی مووچە.
ئاماژەی بۆ ئەوەش كرد، تا ئێستا حكومەتی هەرێمی كوردستان لەگەڵ حكومەتی ناوەند نەگەیشتونەتە ڕێكەوتنێك بۆ ئەوەی پشكی هەرێمی كوردستان یان شایستە داراییەكانی هەرێمی كوردستان كە لەڕابردوودا بە چەند قۆناغێك هاتووە و ئێستا هیچ شتێك لەوە نییە، بۆیە حكومەت بیانووی ئەوەی هەیە ناتوانێت پارەی مووچە بەم نزیكانە دابین بكات.
زیاد جەبار ئەوەشی وت”لە هەموو كاتێكدا ئەركی حكومەتی هەرێمی كوردستانە كە لەكوێ سەرچاوەی داهات پەیدا دەكات و پارە پەیدا دەكات، ئەركێتی مووچە دابین بكات كە ئەمەیان نەكردووە حكومەتی هەرێمی كوردستان كەمتەرخەمە و لەئاست ئەو بەرپرسیاریەتیەدا نەبووە”.
جەختی لەوەش كردەوە، ئەگەر ئیرادە هەبێت و بتوانێت چاكسازی لە سەرچاوەكانی داهاتدا بكات چاكسازی لە خاڵە سنورییەكان داهاتی ناوخۆ و باج و ڕسومات و فرۆشتنی نەوت كە لە هەمووی گرنگترە پێداچوونەوە بە گرێبەستە نەوتیەكان بكات، حكومەتی هەرێمی كوردستان دەتوانێت هەموو مانگێك لەكاتی خۆیدا مووچە بدات.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .