بەرپرسانی نیوزلەندا رایانگەیاند، مافی پەنابەریان بەخشیوەتە بەهرۆز بوچانی نوسەری كورد، كە ماوەی شەش ساڵ لە دورگەی مانوس مابوەوە.
بەڕێوبەرایەتی كۆچی نیوزلەندا رایگەیاند، داواكاری بەهرۆز بوچانیان بۆ پێدانی مافی پەنابەری پەسەند كردووە و مافی مانەوەی هەمیشەییان پێبەخشیوە.
رونیشیكراوەتەوە، رۆژی پێنج شەممە هاوكات لە گەڵ یادی 37 ساڵەی لەدایكبوونی ئەو نوسەرە، بڕیارەكەیان پێڕاگەیاندووە.
بەهرۆز بوچانی خەڵكی ئیلامی رۆژهەڵاتی كوردستانەوە و ماوەی شەش ساڵ لە دورگەی مانوس لە چاوەڕوانی ئەوەدابوو كە وەك پەنابەر لە لایەن ئوستڕاڵیاوە وەربگیرێت، هەر لەو ماوەیەدا كتێبێكی نوسی بە ناوی “هیچ دۆستێك جگە لە چیاكان”و كە لە بارەی كۆچ و دۆخی دورگەكەوە بوو.
ئەو كتێبە توانی چەندین خەڵاتی نێودەوڵەتی بەدەستبهێنێت.
مانگی ئۆكتۆبەری ساڵی رابردوو بەهرۆز بوچانی بەمەبەستی پێشكەش كردنی وتارێك سەردانی نیوزلەندای كرد و هەر لەوێ داوای مافی پەنابەری كردبوو.
