دۆناڵد ترامپ سەرۆكی ئەمریكا رایگەیاند، لەوانەیە تا كۆتایی ئەمساڵ ڤاكسینی دژە ڤایرۆسی كۆرۆنا بەردەست ببێت.
ترامپ لەكاتی سەردانی بۆ یەكێك لەو كارگانەی لە ویلایەتی كارۆلینای باكور، كە تێیدا كار لەسەر بەرهەمهێنانی ڤاكسین دەكرێت، وتی “متمانەم بە هەموو ئەمریكییەكان هەیە، كە كاری راست دەكەن، بەڵام ئامۆژگاریمان بۆ هەموو كەسێك ئەوەیە بەتایبەتی تەركیز لەسەر دوركەوتنەوەی كۆمەڵایەتی و راگرتنی پاكوخاوێنی بكەن و لەكاتی پێویستیشدا دەمامك ببەستن”.
سەبارەت بە ڤاكسینیش وتی “گوێم لە هەواڵی زۆر پۆزەتیڤ بوە، بەڵام تا كۆتایی ئەمساڵ پێموایە لە بارودۆخێكی باشداین بۆئەوەی كارێكی باش بكەین”.
هەرچی سەبارەت بە بارودۆخی ئابوری وڵاتەكەیەتی، سەرۆكی ئەمریكا ئاماژەی بەوەدا، پێویستە حاكمی زۆرێك لەو ویلایەتانەی كردنەوەی ئابورییان ئەنجامنەداوە، دەست بە كردنەوەی بكەن.
