بەپێی لێكۆڵینەوەیەكی نوێ كەسانی رەشبین زووتر لەو كەسانە دەمرن كە بیركردنەوەی سلبی ئاشكرایان نییە، ئەوەش بەهۆی ئەوەی كاریگەری لەسەر توشبوون بە چەند نەخۆشیەك هەیە.
لە لێكۆڵینەوەیەكی نوێدا كە ماڵپەڕی “دەیلی مەیڵ”ی بەریتانی بڵاویكردوەتەوە زانایان باسیان لەوەكردوە، ئەو كەسانەی كە بەردەوام پێشبینی سلبیان بۆ داهاتوو هەیە و رەشبینن دوو ساڵ یاخود زیاتر پێش ئەو كەسانە دەمرن كە رەشبین نین، بەڵام ئەوانەشی گەشبینن تەمەنیان بەهۆیەوە درێژ نابێتەوە.
ئەو تیمەی كە لە پەیمانگای لێكۆڵینەوە پزیشكیەكان QIMR Berghofer لە بریسبانی ئوسترالیایە باسیان لەوەكردوە، ئەوانەی رەشبینن گرنگی بەخۆشیان نادەن ئەوەش دەبێتە هۆی تێكچونی تەندروستیان لە كاتێكی زوتردا بە بەراورد بە كەسانی تر.
زانایان پەیوەندی چەند نەخۆشیەكيان لەگەڵ رەشبینی دۆزیوەتەوە، دكتۆر جۆن ویتفیڵد زانای بواری كیمیای زیندەیی دەڵێت، لێكۆڵینەوە لە رەشبینی و كاریگەری لەسەر مردن كراوە و دەركەوتوە ئەوانەی رەشبینن سەبارەت بە داهاتوو زیاتر مەترسی مردنی پێشوەختیان لەسەرە ئەوەش بەهۆی نەخۆشیەكانی دڵ و ملولەكانی خوێن و چەندین هۆكاری تر .
