دۆناڵد ترامپ سەرۆكی ویلایەتە یەكگرتوەكانی ئەمریكا بیر لەوەدەكاتەوە بڕیاری لێبوردن بۆ ئیدوارد سنۆدن كارمەندی پێشووی دەزگای ئاسایشی نیشتمانی دەربكات، كە دزەپێكردنی بەڵگەنامەكانی لەساڵی 2013دا هەواڵگریی ئەمریكای هەژاند.
ترامپ لەلێدوانێكیدا سەبارەت بە ئەگەری دەركردنی بڕیاری لێبوردن بۆ ئێدوارد سنۆدن وتی “سەیری ئەو بابەتە دەكەم، خەڵك بیروباوەڕیان جیاوازە سەبارەت بە سنۆدن”.
ئێدوارد سنۆدن لەساڵی 2013دا دزەی بە چەندین بەڵگەنامەی نهێنی هەواڵگریی ئەمریكا كرد، دوای ئەوەش لە ترسی دەستگیركردنی رووی لە هۆنگ كۆنگ كرد و دواتر چوە روسیا و ئەو وڵاتەش مافی پەنابەرێتی پێبەخشی.
لەلایەكی دیكەوە ترامپ ئەوەی ئاشكراكردوە، كە “رۆبەرت ترامپ”ی برا بچوكی لە نەخۆشخانە كۆچی دوایی كردوە و باسی لەوەشكردوە ناوبراو تەنها برای نەبووە، بەڵكو باشترین هاوڕێشی بووە و بۆ هەمیشە لە بیرەوەریدا دەمێنێتەوە.
رۆبەرت ترامپ تەمەنی 71 ساڵا بوە و 3 ساڵ لە دۆناڵد ترامپ منداڵترە، بەڵام دیار نییە هۆكاری مردنەكەی چ نەخۆشییەك بوە.
