دۆناڵد ترەمپ سەرۆكی ئەمریكا : مستەفا كازمی پیاوێكە كە زۆر لەگەڵیدا دەگونجێم

بەپێی هەواڵێك كە ئاژانسی فەرمی هەواڵی عێراق بڵاویكردوەتەوە.
– مستەفا كازمی سەرۆك وەزیرانی عێراق سەركەوتوو بووە لە سەركردایەتیكردنی دیالۆگی ستراتیژی نێوان عێراق‌و ئەمریكا لەبارەی كشانەوەی هێزەكانی ئەمریكا لە عێراق.
– هەردوو لایەنی عێراق‌و ئەمریكا جەختیان كردووە لەسەر رێزگرتن لە سەروەری خاكی عێراق ‌و سەلامەتی خاكەكەی.
– بەغدادو واشنتۆن رێككەوتن لەسەر پێكهێنانی تیمێكی تایبەت بۆ گفتوگۆكردن لەبارەی میكانیزم‌ و كاتی دوبارە رێكخستنەوەی هێزەكانی هاوپەیمانی نێودەوڵەتی.
– ترەمپ وتویەتی: بەشێكی زۆری هێزەكانمان لە عێراق كشاندوەتەوە‌ و ژمارەیەكی زۆر كەمی سەربازمان لە عێراق ماوە.
– ترەمپ پابەندبوونی خۆی راگەیاندووە بە كشاندنەوەی هێزەكانی هاوپەیمانان لە عێراق لەماوەی سێ ساڵدا.
– ترەمپ وتویەتی: كازمی پیاوێكە كە زۆر لەگەڵیدا دەگونجێم
– واشنتۆن پاڵپشتی خۆی بۆ نەخشەرێگای حكومەتی مستەفا كازمی لەبارەی چاكسازیكردن لە ئابوری عێراقدا نیشانداوە.
– بەغداد و واشنتۆن یاداشتێكی لێكتێگەیشتنیان بۆ پاڵپشتیكردن لە كەرتی تەندروستی عێراق واژۆ كردووە.