ئیمانوێل ماكرۆن سەرۆكی فەرەنسا دەڵێت “رەجەب تەیب ئەردۆغان سەرۆكی توركیا سیاسەتێكی پاوانخوازی پەیڕەو دەكات، كە بریتییە لە تێكەڵەیەكی بنەمای نەتەوەیی و ئیسلامی، كە لەگەڵ بەرژەوەندییەكانی ئەوروپا ناگونجێت و سەقامگیری كیشوەرەكە تێكدەدات.
ماكرۆن لە چاوپێكەوتنێكدا لەگەڵ گۆڤاری “پاریس ماچ” باسی لەوەكردوە، ئەردۆغان سیاسەتێكی پاوانخوازی تێكەڵە لە بنەمای “نەتەوەیی و ئیسلامی” پەیڕەو دەكات، ئەوەش پێچەوانەی بەرژەوەندییەكانی ئەوروپایە.
رونیشیكردوەتەوە، سیاسەتەكانی ئەردۆغان سەقامگیری ئەوروپا تێكدەدات، بۆیە پێویستە ئەوروپا بەرپەرچی ئەو سیاسەتانە بداتەوە و بەرپرسیارێتی خۆی بگرێتەئەستۆ.
هەرچەندە سەرۆكی فەرەنسا وەك خۆی دەڵێت، لەگەڵ گرژكردنی بارودۆخەكەدا نییە، بەڵام باوەڕیشی بە دیپلۆماسیەتی لاواز نییە.
كێشەكانی توركیا لەگەڵ وڵاتانی دراوسێی بەردەوام لە زیادبوندایە، بەتایبەتی لەگەڵ یۆنان و لە عیراق و سوریا و لیبیاش دەستوەردان دەكات، بەهۆی ئەوەشەوە بەرهەڵستییەكی زۆری لەسەرئاستی جیهانی بۆ دروستبوە.
