پاش سێ رۆژ لە دیارنەمانی، سەرۆكی پێشوی شارەوانی هەڵەبجە دۆزرایەوە.
بەرپرسانی ئیداری پارێزگای هەڵەبجە رایانگەیاند، نیوەڕۆی رۆژی سێشەممە خدر كەریم سەرۆكی پێشوی شارەوانیی هەڵەبجە لە گۆڕستانی باوە كۆچەك دۆزراوەتەوە و تەندروستی باشە.
پێشتر پۆلیسی هەڵەبجە هەموولایەكی لە ونبونی سەرۆكی پێشوی شارەوانی ئاگاداركردبوەوە و ئەوەی خستبوەڕو، كە كاتژمێر 6ی سەرلەئێوارەی 23-8، لە ماڵی خۆی لە گەڕەكی عاشقان چۆتەدەرەوە و تا سنوری غاباتی گوڵان بینراوە، پاشان ونبوە و مۆبایلەكەشی بەردەست نەبوە.
