لە زۆرینەی شارەكانی عیراق سەدان هەزار كەس بەشداریی رێوڕەسمی عاشورا دەكەن و لە كەربەلاش ملیۆنێك زیارەتكاری شیعە ئامادەی یادەكەن.
لە بەرەبەیانی ئەمڕۆوە، كە دەكاتە 10ی موحەڕەم، خەڵكێكی زۆر بەپێ روویان لە مەزارگەی ئیمام حوسێن لە كەربەلا كرد بۆئەوەی بەشداری لە رێوڕەسمی عاشورادا بكەن.
جگە لە كەربەلا، لە شار و شارۆچكە جیاوازەكانی عیراقیش رێوڕەسمەكانی یادی عاشورا بەڕێوەدەچن و ماوەی چەند رۆژێكیشە ئامادەكارییە ئەمنی و تەندروستییەكان بۆ ئەم رۆژە كراون، بەڵام هاووڵاتیان ترسیان هەیە ڤایرۆسی كۆرۆنا بەهۆی ئەو گردبونەوە گەورانە زیاتر تەشەنەبكات و پەتاكە زیاتر بڵاوببێتەوە.
بەگوێرەی ئەو گرتە و وێنانەی بڵاوكراونەتەوە، زۆرینەی زیارەتكارانی عاشورا پابەندی خۆپارێزی نین و ئەو رێوشوێنانە لەبەرچاو ناگرن، كە لایەنە پەیوەندیدارەكانی حكومەت دایانڕشتوە.
