دیۆكۆڤیچ سینسناتی بردەوە و ریكۆردەكەی نادال-ی یەكسانكردەوە

نۆڤاك دیۆكۆڤیچ ئەستێرەی تێنسی سەرزەویی جیهان و سڕبیا لەگەڵ بردنەوەی پاڵەوانێتیی كراوەی سینسناتی، ریكۆردی رافائیل نادالی لە بردنەوەی نازناوی پاڵەوانێتییەكانی ماستەرزی یەكسانكردەوە و لەمساڵیشدا هیچ یارییەكی نەدۆڕاندوە.
شەوی رابردو لە یاری كۆتایی پاڵەوانێتیی كراوەی سینسناتی نۆڤاك توانی بەئەنجامی دوو كۆمەڵە بەرانبەر بە كۆمەڵەیەك بە زەحمەت لە میلۆش راونیچ بباتەوە، بەو بردنەوەیە توانی كۆی سەركەوتنەكانی ئەمساڵی بگەیەنێتە 23.

هەروەها تائێستا 80 نازناوی بردوەتەوە و 35یان ماستەرزە بەوەش ریكۆردەكەی لەگەڵ رافائیل نادالی پاڵەوان یەكسانكردەوە.