وەزارەتی تەندروستی حكومەتی هەرێمی كوردستان ئاشكرایكرد، هەفتەی رابردو سێ هەزار و 520 كەس توشبونیان بە ڤایرۆسی كۆرۆنا تۆماركراوە، سێ هەزار و 154 چاكبونەوە هەبوە و 132 توشبوش گیانیانلەدەستداوە.
ئەمڕۆ 30-8-2020 وەزارەتی تەندروستی ئاماری هەفتەی رابردوی تایبەت بە ڤایرۆسی كۆرۆنا بڵاوكردەوە و تێیدا هاتوە “30 هەزار و 537 پشكنین ئەنجامدراون و لەو ژمارەیەش سێ هەزار و 520 توشبو تۆماركراون كە (1570 لە هەولێر، 793 لە سلێمانی، 1070 لە دهۆك و 87 لە هەڵەبجە) بون”.
هەروەها لەو هەفتەیەدا سێ هەزار و 154 توشبوی پەتاكە چاكبونەتەوە (1760 لە هەولێر، 923 لە سلێمانی، 355 لە دهۆك و 116 لە هەڵەبجە). بەڵام 132 كەسیش گیانیانلەدەستداوە “64 لە هەولێر، 46 لە سلێمانی، 20 لە دهۆك و 2 لە هەڵەبجە.
بەپێی دوایین ئاماری وەزارەتی تەندروستی، تائێستا توشبوانی كۆرۆنا لە هەرێمی كوردستان گەیشتونەتە 27 هەزار و 621 كەس و لەو ژمارەیەش 17 هەزار و 386 توشبو چاكبونەتەوە، هەزار و 32 كەسیش گیانیانلەدەستداوە.
