مارسیلۆ بیشلەر رۆژنامەنوسی دیاری بەڕازیلی ئاشكرایكرد، یانەی مانچستەرسیتی ئینگلیزی ئامادەكاری دەكات بۆ راگەیاندنی گرێبەستەكەی لیۆنێل میسی ئەرجەنتینی و یاریزانی ئێستای یانەی بەرشەلۆنەی ئیسپانی.
مارسیلۆ بیشلەر یەكەم رۆژنامەنوس بوو لەساڵی 2017دا ئاشكرایكرد “نیمار دا سیلڤا” لە یانەی بەرشەلۆنەوە دەچێتە یانەی پاریس سانجێرمانی فەرەنسی، هەروەها یەكەم كەس بوو ئاشكرایكرد، لیۆنێل میسی داواكاری رۆیشتنی پێشكەشی یانەكەی كردوە.
بیشلەر لە ئەكاونتی خۆی لە تویتەر بڵاویكردوەتەوە، مانچستەرسیتی دەستیكردوە بە ئامادەكاری بۆ راگەیاندنی گرێبەستی میسی.
رونیشیكردوەتەوە، یانە ئینگلیزیەكە داوای لە كۆمپانیایەكی گەورە كردوە دەستبكات بە ئامادەكردنی گرتە مێژووییەكانی تایبەت بە ئەستێرە ئەرجەنتینیەكە بۆئەوەی لەكاتی راگەیاندنی گرێبەستەكەیدا پەخش بكرێت.
