ناوەرۆكی كۆبوونەوەی سەرۆكی هەرێم و وەزیری دەرەوەی توركیا راگەیەنرا

سەرۆكایەتیی هەرێمی كوردستان راگەیێندراوێكی لەبارەی كۆبوونەوەی نێوان نێچیرڤان بارزانی، سەرۆكی هەرێمی كوردستان و مەولوود چاوشئۆغڵو، وەزیری دەرەوەی توركیا بڵاوكردەوە، كە تیایدا هاتووە، لە كۆبوونەوەكەدا جەخت لە برەودانی زیاتر بە جموجووڵ و ئاڵوگۆڕی بازرگانی نێوان هەرێمی كوردستان و توركیا كراوەتەوە.
 بەپێی راگەیێندراوەكە، وەزیری دەرەوەی توركیا ئامادەیی وڵاتەكەی نیشانداوە بۆ هاوكاریكردنی هەرێمی كوردستان لە رووبەڕووبوونەوەی پەتای كۆرۆنا بە پێشكەشكردن و ناردنی یارمەتی و پێداویستیی پزیشكی.
 راشیگەیاندووە، پەیوەندییەكانی هەولێر ـ بەغدا و گفتوگۆی چارەسەركردنی كێشەكانیان، مەترسییەكانی داعش و بەرەنگاربوونەوەی، دوایین پێشهاتەكانی دۆخی ناوچەكە بەگشتی و چەند پرسێكی جێی بایەخی هەردوولا، تەوەرێكی دیكەی كۆبوونەوەكە بوو.

دەقی راگەیێندراوەكەی سەرۆكایەتیی هەرێمی كوردستان:

هەرێمی كوردستان و توركیا جەخت لە پتەوكردنی پەیوەندییەكانیان دەكەنەوە

سەرلەبەیانیی ئەمڕۆ شەممە 4/9/2020 بەڕێز نێچیرڤان بارزانی، سەرۆكی هەرێمی كوردستان و شاندێكی یاوەری لە ئەنقەرە لەگەڵ بەڕێز مەولوود چاوشئۆغلو وەزیری دەرەوەی توركیا كۆبوونەوە.
 لە كۆبوونەوەكەدا پەیوەندییەكانی هەرێمی كوردستان و عێراق لەگەڵ توركیا و چۆنیەتیی پەرەپێدانی زیاتریان لە هەموو بوراەكاندا بەتایبەتی لە بواری ئابووریدا تاوتوێ كران و هەردوولا جەختیان لە برەودانی زیاتر بە جموجووڵ و ئاڵوگۆڕی بازرگانیی نێوانیان كردەوە.
 بڵاوبوونەوەی پەتای ڤایرۆسی كۆرۆنا و كاریگەری و لێكەوتەكانی بەتایبەتی لەسەر بواری ئابووری لە هەرێمی كوردستان و توكیا تەوەرێكی دیكەی كۆبوونەوەكە بوو. لەمبارەیەوە بەڕێز وەزیری دەرەوەی توركیا ئامادەییی وڵاتەكەی بۆ هاوكاریكردنی هەرێمی كوردستان نیشان دا بە پێشكەشكردن و ناردنی یارمەتی و پێداویستیی پزیشكی بۆ بەرەنگاربوونەوەی پەتاكە.
 پەیوەندییەكانی هەولێر ـ بەغدا و گفتوگۆی چارەسەركردنی كێشەكانیان، مەترسییەكانی داعش و بەرەنگاربوونەوەی، دوایین پێشهاتەكانی دۆخی ناوچەكە بەگشتی و چەند پرسێكی جێی بایەخی هەردوولا، تەوەرێكی دیكەی كۆبوونەوەكە بوو.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .