عێراق بۆ زیادکردنی کارەبا رێککەوتنێکی لەگەڵ سوید واژۆکرد

وەزارەتی کارەبای عێراق و کۆمپانیایەکی سویدی بە بڕی ٨٠ ملیۆن دۆلار، رێککەوتنێکیان بۆ دامەزراندنی چەند وێستگەیەکی بگۆڕی کارەبا واژۆکرد.

ئەمڕۆ یەکشەممە، ئەحمەد کەمالی باڵیۆزی عێراق لە سوید ڕایگەیاند، “وەزارەتی کارەبای عێراق و کۆمپانیایەکی سویدی رێککەوتنێکیان بە بەهای ٨٠ ملیۆن دۆلار واژۆکردووە بە مەبەستی دروستکردنی چوار وێستگەی بگۆڕی کارەبا بەبڕی ١٣٢ کیلۆڤۆڵت.”

ڕاشیگەیاند، “وێستگەکان لە ناوچەی بوب شام لە بەغدا و کوت و دیوانیە و حەیانیەی بەسرە دادەمەزرێندرێن.”

باسی لەوەشکرد، بەرەوپێشچوونی پەیوەندییەکانی نێوان هەردوو وڵات دەگەڕێتەوە بۆ میواندارییەکەی ساڵی ٢٠٠٨ی سوید بۆ عێراق و کۆمەکیکردنی بەغدا بە بڕی یەک ملیار کرۆن لە ٢٠١٧ بۆ بەهێزکردنی ئیدارە ناوخۆییەکانی وڵات.

لە ماوەی رابردووشدا، میدیا ناوخۆییەکان بڵاویانکردەوە، بەپێی پرۆژەیەک کە ئەمریکا پشتیوانى دەکات، هێڵى کارەباى عێراق دەبەسترێتەوە بە کارەباى کەنداوەوە، بەوەش کارەباى ٢٤ کاتژمێرى بۆ ناوچەکانى ناوەراست و باشورى وڵاتەکە دابیندەکرێت و گەر سەرکەوتوو بێت چیتر بەغدا پێویستى بە ئێران نابێت بۆ دابینکردنى کارەبا، کە لە ئێستادا ئەو وڵاتە بەهۆى دابینکردنى بەشێک لە کارەباى عێراقەوە ساڵانە سەدان ملیۆن دۆلارى دەستدەکەوێت

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .