ئەسەسەرد: سەردانی سەرۆكی هەرێم بۆ توركیا بۆ ئێمە سوپرایز بوو

سكرتێری ئەنجومەنی سەركردایەتی یەكێتی بێئاگایی حزبەكەی لە سەردانی نێچیرڤان بارزانی سەرۆكی هەرێمی كوردستان بۆ توركیا دەردەبڕێت، دەڵێت “بۆ ئێمە سوپرایز بوو” داواش دەكات ڕوونكردنەوە لەسەر هۆكار و ئەنجامی كۆبوونەوەكانی سەرۆكی هەرێم لەگەڵ بەرپرسانی توركیا بدرێت.
ئاژانسی هەواڵی رۆژ نیوز گفتوگۆیەكی لەگەڵ فەرید ئەسەسەرد سكرتێری ئەنجومەنی سەركردایەتی یەكێتی ئەنجامداوە، لەوەڵامی پرسیاری ئەوەی “چی دەزانن لەبارەی سەردانی سەرۆكی هەرێم بۆ ئەنقەرە؟”، ئەسەسەرد دەڵێت “ئەو دیدارەی بەغدا سازكرا، ئێمە لە هەرێمی كوردستان نەمان دەزانی كە دیدارێكی دیكەی لێدەكەوێتەوە، ئەویش دیداری سەرۆكی هەرێمە لەگەڵ سەرۆكی توركیا، بە نیسبەت ئێمەوە سوپرایزبوو، لەبەر ئەوەی ئاگادار نەكرابووینەوە و لە میدیاكانەوە زانیمان، هیوادارین لە گەڕانەوەیدا بتوانین هەندێك وردەكاری لەم بارەیەوە بزانین”.
سكرتێری ئەنجومەنی سەركردایەتی یەكێتی دوپاتیكردووەتەوە، پێویستە رونیبكەنەوە، كە هۆكاری ئەم سەردانە كتوپڕە چییە لە دوای بەغدا بۆ ئەنقەرە؟ دەڵێت، ئەگەر پەیوەندی بە سەردانەكەی ماكرۆنەوە نییە بۆ بەغدا، بۆچی لەم كاتەدا و بەم خێراییە ئەنجامیداوە؟ بۆیە بەرپرسەكەی یەكێتی دڵنیایە لەوەی پەیوەندییەك هەیە لە نێوان ئەم دوو بابەتەدا

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .