موسهننا ئهمین پهرلهمانتاری كورد له پهرلهمانى عیراق دهڵێت “فرهبازنهیى پرۆسهى ههڵبژاردن توشى شڵهژان دهكات و یاساى ئێستاى ههڵبژاردنیش وڵات بهرهو بارودۆخێك رادهكێشێت، كهس ئاواتى پێنهخوازێت”.
ئهو پهرلهمانتاره كوردهی عیراق لهلێدوانێكى رۆژنامهوانیدا وتویهتی “یاساى ههڵبژاردنى ئێستا ئامانج لێى ههڵبژاردنێكى پاك و پێشوهخته نییه و بهپێى پێودانگى چهند لایهنێكى سیاسى دیاریكراو داڕێژراوه، ئهگهر بمانهوێت عیراق سهقامگیر بێت و لهئاشتیدا بژی، ئهوا پێویسته بنهمایهكى راست و دروستى یاساى ههڵبژاردنى داهاتو دابنێین”.
ئهو پهرلهمانتاره كورده رونیشیكردوهتهوه، پێشتر سهرجهم هێزه كوردستانییهكان بایكۆتى دانیشتنهكانى پهرلهمان تایبهت به دهنگدان لهسهر یاساكهیان كرد، چونكه پێیانوایه كهلێنى زۆرى تێدایه و نایانهوێت رژێمێكى سیاسى تێكچو بههۆى ههڵبژاردنێكى ساخته و یاسایهكى نادادپهروهرهوه دروستببێت، بهڵكو دهیانهوێت وڵات سهقامگیر بێت و رژێمێكى سیاسى ههبێت خاوهنى شهرعیهتێكى گهوره بێت لهناو كۆمهڵگهدا.
موسهننا ئهمین پێشیوایه، فرهبازنهیى پرۆسهى ههڵبژاردن توشى شڵهژان دهكات و پێویسته فرهبازنهیى لهناو ههموو پارێزگایهكدا ههنگاوێكى دیراسهكراو بێت بۆئهوهى سیستمى سیاسى تێكنهدرێت، وتیشی “ئهوهى لێى دهترسین میكانیزمه نوێیهكه رێگه به چهند لایهنێكى دیاریكراو دهدات كۆنترۆڵى سیستمى سیاسى بكهن و رامانكێشنه ناو ململانێ و پێكدادانێك، كه كهس ئاواتى پێنهخوازێت”.
