ئهحمهد موللا تهڵال وتهبێژی حكومهتی عیراق رایگهیاند، مستهفا كازمی سهرۆك وهزیرانی عیراق و مهسرور بارزانی سهرۆك وهزیرانی ههرێمی كوردستان رێككهوتون لهسهر چارهسهركردنی سهرجهم كێشه ههڵپهسێردراوهكانی نێوان ههردوولا.
ئهحمهد موللا تهڵال له پرێس كۆنفرانسی دوای كۆبونهوهی ئاسایی ئهنجومهنی وهزیرانی عیراق و له وهڵامی پرسیارێكدا سهبارهت به ههوڵهكانی حكومهتی فیدراڵی و حكومهتی ههرێمی كوردستان بۆ رێككهوتن لهسهر پرسی بودجه و ناردنی موچهی فهرمانبهرانی ههرێم، وتی “رێككهوتنی ئهم دواییانه لهنێوان سهرۆك وهزیرانی عیراق و سهرۆك وهزیرانی ههرێمی كوردستان كراوه”.
وتیشی “بهندهكانی ئهو رێككهوتنه و ئهنجامهكهی ئهوهیه، كه دهوڵهت له بهرامبهر هاووڵاتیانی كورد بهرپرسیاره”.
له بهشێكی دیكهی قسهكانیدا ئهحمهد موللا تهڵال وتی “ئێوه دهزانن هاووڵاتیانی ههرێمی كوردستان چۆن دهناڵێنن بههۆی كهمی نهختینهوه، كه بههۆی وهستانی موچهوه دروستبوه، كاتێك حكومهت موچهی فهرمانبهرانی ههرێم دهنێرێت بهههستكردن به پێویستی هاووڵاتیانی ههرێم بهو پارهیهیه، بهپێی بهندهكانی رێككهوتنی نێوان سهرۆك وهزیرانی عیراق و سهرۆك وهزیرانی ههرێمی كوردستان، پێویسته حكومهتی ههرێم لهبهرانبهردا پابهندی دهستور بێت لهبارهی نهوت و دهروازه سنورییهكانهوه”.
ههروهها راشیگهیاند، ئهو رێككهوتنهی له ماوهی رابردودا كراوه، بۆ ئهم قۆناغهیه تا پهسندكردنی بودجهی گشتی ساڵی 2021، ئهوكات رێككهوتنهكه دهگوازرێتهوه ناو پرۆژهیاسای بودجهی ساڵی داهاتو، له رێگهی بهردهوامی گفتوگۆكان كه سهرۆك وهزیرانی عیراق و سهرۆك وهزیرانی ههرێمی كوردستان لهسهری رێككهوتون بهمهبهستی چارهسهركردنی سهرجهم كێشه ههڵپهسێردراوهكان و ههردوولاش پابهنددهبن به ئهركه دهستورییهكانی سهر شانیان و دهستور دهبێته بنهمای رێككهوتنهكان.
