wazho.net
كاتع روكابی ئه‌ندامی په‌رله‌مانی عێراق له‌سه‌ر پشكی ئیئتلافی ده‌وڵه‌تی یاسا ئاشكرایكرد: چوار ملیۆن كارتی ئه‌لكترۆنی ده‌نگدان دیارنه‌ماون، هۆشداریش ده‌دات له ساخته‌كاریه‌كی ترسناك له هه‌ڵبژاردنی داهاتوو.
كاتع روكابی له لێدوانێكى رۆژنامه‌وانیدا وتویه‌تى: زانیاریمان پێگه‌یشتوه له كۆمسیۆنى باڵاى هه‌ڵبژاردنه‌كانه‌وه كه چوار ملیۆن كارتى ئه‌لكترۆنى ده‌نگدان زیارنه‌ماون و كه‌س نازانێت له‌كوێن.
رونیشیكردوه‌ته‌وه: ژماره‌كه ترسناكه و قه‌باره‌ى ساخته‌كارى له هه‌ڵبژاردنى داهاتوو گه‌وره‌تر ده‌بێت له هه‌ڵبژاردنى 2018، ئه‌گه‌ر پشت به كارتى بایۆمه‌ترى ماوه‌درێژ نه‌به‌سترێت و سوربن له‌سه‌ر كارتى ئه‌لكترۆنى.
ئه‌و په‌رله‌مانتاره باسیله‌وه‌شكردوه: زانیاریه‌كانمان به وردى لا نییه سه‌باره‌ت به‌و كارتانه‌ى دیارنه‌ماون و له چ پارێزگایه‌ك ونبون، پێویسته كۆمسیۆنى هه‌ڵبژاردنه‌كان و حكومه‌ت به‌كارهێنانى كارتى بایۆمه‌ترى ماوه‌درێژ له‌بیر نه‌كه‌ن ئه‌وه‌ش له‌پێناو گره‌نتیكردنى پاكى و دادپه‌روه‌رى له هه‌ڵبژاردنى داهاتوو.
