چارلز براون سەرۆك ئەركانی سوپای ئاسمانیی ئەمریكا جەختدەكاتەوە، شەڕی داهاتوی وڵاتەكەی ئاسان نابێت و لەگەڵ وڵاتێكی یەكسان دەبێت لە هێزدا و دەبێتەهۆی دروستبونی زیانێكی گەورە، كە لە جەنگی دووەمی جیهان دەچێت.
چارلز براون بەپێویستی دەزانێت ئامادەبن بۆ شەڕێك، كە زیانی زۆر گەورەی لێدەكەوێتەوە، تەنانەت مەترسی لەسەر گەلی ئەمریكا دروستدەبێت، هەروەك لە شەڕی دووەمی جیهاندا دروستبو.
سەرۆك ئەركانی سوپای ئاسمانیی ئەمریكا سەركردەكانی پێشوی وڵاتەكەی بەوە تۆمەتبار دەكات، كە رێگربون لە پێشكەوتن، لەكاتێكدا چین و روسیا بەخێراییەكی زۆر بەرەوپێشەوەچون.
چارلز براون لە قسەكانیدا، كە لە راپۆرتێكی ماڵپەڕی “Defense News” بڵاوكراوەتەوە، دەشڵێت “ئەمریكا روبەڕوی وڵاتێك دەبێتەوە، كە لە هێزدا هاوتای دەبێت، ئەوەش لە هەر شەڕێكی تر جیاواز دەبێت، كە ماوەی دوو دەیەیە ئەمریكا كردویەتی و شەڕ لە كەناراوەكانی دورنابێت”.
